(ក្រចេះ )៖ រដ្ឋបាលខេត្តក្រចេះ នៅរសៀលថ្ងៃទី២៤ ខែមករា ឆ្នាំ២០២៤បានចេញសេចក្ដីប្រកាសព័ត៌មានថា មានពលរដ្ឋចំនួន១នាក់ បានផ្ញេីសារចូលតេឡេក្រាម សម្ដេចតេជោចោតប្រកាន់ថា ពេលនេះនៅឃុំហាន់ជ័យ ស្រុកឆ្លូង ខេត្តក្រចេះ មានមន្ត្រីពាក់ព័ន្ធស៉ីវិលមកប្លន់ដីប្រជាពលរដ្ឋ។
រដ្ឋបាលខេត្តបញ្ជាក់ថា បុគ្គលខាងលេីនេះ គឺជាការបំភាន់ព័ត៌មាន និងប្រឌិតរឿងឡេីងក្នុងគោលបំណង បង្ខូចឈ្មោះមន្ត្រីរាជការ និងអាជ្ញាធរគ្រប់លំដាប់ថ្នាក់ដែលខិតខំបំពេញតួនាទី។
រដ្ឋបាលខេត្តបញ្ជាក់ថា
ថ្មីៗនេះមានប្រជាពលរដ្ឋ ឈ្មោះ លឹម សុខឈង រស់នៅភូមជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ បានផ្ញេីរអេឡិកត្រូនិច ចូលតេឡេក្រាមរបស់សម្ដេច អគ្គមហាសេនាបតីតេជោ ហ៊ុន សែន ប្រធានឧត្តមក្រុមប្រឹក្សាផ្ទាល់ព្រះមហាក្សត្រ ដោយបានចោតប្រកាន់ថា ពេលនេះនៅឃុំហាន់ជ័យ ស្រុកឆ្លូង ខេត្តក្រចេះ មានមន្ត្រីពាក់ព័ន្ធស៉ីវិលមកប្លន់ដីប្រជាពលរដ្ឋ។
អាជ្ញាធរខេត្ត ក៏បានបញ្ចាក់ដែរ ថាកាលពីឆ្នាំ២០២០ មានគ្រោះទឹកជំនន់ទន្លេមេគង្គ បណ្ដាលឲ្យបាក់ច្រាំង ខូចខាតផ្ទះប្រជាពលរដ្ឋជាង២០គ្រួសារ នៅឃុំឆ្លូង ស្រុកឆ្លួង ខេត្តក្រចេះ ដោយមេីលឃេីញពីការលំបាករបស់ប្រជាពលរដ្ឋ អាជ្ញាធរខេត្ត បានស្នេីរសុំរាជរដ្ឋាភិបាល កាត់ដីចំការមៃសាក់ចំនួន ៣,៧៧ហិ.ត នៅភូមិហាន់ជ័យ១ ឃុំហាន់ជ័យ ស្រុកឆ្លូង ចេញពីក្រសួងកសិកម្ម សម្រាប់ធ្វេីជាដីសម្បទានសង្គមកិច្ច រៀបចំជាឡូត៌ សម្រាប់ចែកជូនប្រជាពលរដ្ឋដែររងគ្រោះដោយបាក់ច្រាំងទន្លេ។ ប៉ុន្តែថ្មៗថ្មី លោក លឹម សុខឈង ហៅ គ្រូ ឈង បានទៅសង់រោងដែក ដាំដុះដំណាំ និងបំពាក់បង្គោលសូឡា លេីទីតាំងដីសម្បទានសង្គមកិច្ចនោះ យកធ្វេីជាកម្មសិទ្ធ បេីទោះជាអាជ្ញាធរស្រុក ធ្លាប់ហាមឃាន់ ដោះស្រាយ និងណែនាំ ក៏រូបលោកមិនអនុវត្តតាមនោះឡេីង។
គូសបញ្ជាក់ដែរថា ដីសម្បទានសង្គមកិច្ចនោះ ត្រូវបានអជ្ញាធរខេត្ត បានរៀចំជាដីឡូត៏បានចំនួន៩០ឡូត៌ ដីបម្រុងទុក ១,២៨៥ ហិ.ត ក្នុងនោះបានចែកជូនប្រជាពលរដ្ឋរងគ្រោះ ចំនួន២១ឡូត៌ និងដីតំបន់រដ្ឋបាលចំនួន ៦ឡូត៌ ផ្ដល់ជូនប៉ុស្តិ៍នគបាលឃុំហាន់ជ័យ ចំនួន០៣ សម្រាប់សាងសងប៉ុស្តិ៍ផងដែរ ចំណែកដីដែរនៅសល់ គឺអាជ្ញាធរ រក្សាទុកសម្រាប់ចែកជូនប្រជាពលរដ្ឋដែររងគ្រោះដោយបាក់ច្រាំងទន្លេនាពេលខាងមុខទៀត។
No comments:
Post a Comment